வரலாற்றில் இன்று : 11/11 - Today in History

வரலாற்றில் இன்று

Today in History

நவம்பர்

11

• 1500 - பிரான்சின் பன்னிரண்டாம்  (உ)லூயி மன்னனுக்கும் அராகனின் இரண்டாம் பேர்டினண்டு மன்னனுக்கும் இடையில் நேபில்சு பேரரசைத் தமக்கிடையே பிரிக்க உடன்பாடு எட்டப்பட்டது.
• 1673 - உக்ரேனின் கோட்டின் என்ற இடத்தில் போலந்து-லித்துவேனியாப் படைகள் ஓட்டோமான் இராணுவத்தைத் தோற்கடித்தன.
• 1675 - குரு கோவிந்த் சிங் சீக்கியர்களின் 10 ஆவது குருவானார்.
• 1675 - லெய்ப்னிட்சு (Gottfried Leibniz) என்பவர் y=f(x) என்ற செயலி ஒன்றின் வரைபின் பரப்பைக் காணுவதற்கு முதன் முறையாக த் தொகையீட்டு நுண்கணிதத்தைப் பாவித்தார்.
• 1778 - மத்திய நியூ யோர்க்கில் செனெக்கா இந்தியர்கள் 40 பேரைக் கொன்றனர்.
• 1865 - டீசுட்டா ஆற்றின் கிழக்குப் பகுதிகளை பூட்டான் பிரித்தானியக் கிழக்கிந்திய நிறுவனத்திற்குக்( கம்பனிக்குக்) கொடுத்தது.
• 1887 - ஐக்கிய அமெரிக்காவின் சிக்காகோ நகரில் தொழிலாளர் தலைவர்கள் ஆகசுட் சுபைசு, ஆல்பேர்ட் பார்சன்சு, அடொல்ஃப் ஃபிசர், சியார்சு ஏங்கல் ஆகியோர் தூக்கிலிடப்பட்டனர்.
• 1889 - வாசிங்டன் ஐக்கிய அமெரிக்காவின் 42 ஆவது மாநிலமாகச் இணைக்கப்பட்டது.
• 1909 - அவாயில் பேர்ள் துறைமுகத்தில் அமெரிக்கக் கடற்படைத் தளம் அமைக்கப்பட்டது.
• 1917 - பார்ப்பனர் அல்லாதார் 4 ஆவது மாநாடு விசயவாடாவில் சர்.பிட்டி. தியாகராயர் தலைமையில் நடந்த நாள்
• 1918 - பிரான்சில் "கொம்பியேன் காடு" என்ற இடத்தில் தொடருந்துப் பெட்டி ஒன்றில்  செர்மனிக்கும் கூட்டுப் படைகளுக்கும் இடையில் போர்நிறுத்த ஒப்பந்தம் கையெழுத்திடப்பட்டது. முதலாம் உலகப் போர் 11:00 மணிக்கு முடிவுக்கு வந்தது. 1567 நாட்கள் நடைபெற்ற முதல் உலகப் போரில் மொத்தம் பத்துப் பேராயிரம் (மில்லியன்) பேர் உயிரிழந்தனர். இருபது மில்லியன் பேர் காயமடைந்னர்.
• 1918 -  சோசப்பு பித்சூத்சுகி வார்சாவுக்குத் திரும்பி போலந்தின் உயர் இராணுவப் பதவியைப் பெற்றான். போலந்து விடுதலை பெற்றது.
• 1919 - இலங்கைத் தேசிய காங்கிரஸ் அமைக்கப்பட்டது.
• 1930 - அல்பேர்ட் ஐன்ஸ்டைன், லியோ சிலார்ட் ஆகியோர் தமது கண்டுபிடிப்பான ஐன்ஸ்டைன் குளிர்சாதனப்பெட்டிக்கான காப்புரிமத்தைப் பெற்றனர்
• 1933 - யாழ் பொது நூல் நிலையம் அமைக்கப்பட்டது.
• 1940 - ஐக்கிய அமெரிக்காவின் மிட்வெசுட் நகரில் எதிர்பாராத சூறாவளியினால் 144 பேர் இறந்தனர்.
• 1942 - இரண்டாம் உலகப் போர்: நாசி செர்மனி பிரான்சு மீதான தனது முற்றுகையை முடித்தது.
• 1960 - தெற்கு வியட்நாம் அதிபர் நியோ டின் டியெம் மீதான இராணுவப் புரட்சி தோல்வியில் முடிந்தது.
• 1965 - ரொடீசியாவில் இயன் சுமித்து தலைமையிலான வெள்ளை இன சிறுபான்மை அரசு விடுதலையை அறிவித்தது. அந்த நாடு பின்னர் சிம்பாப்வே என்று பெயர் மாற்றம் கண்டது. 
• 1966 - நாசா செமினி 12 கப்பலை விண்ணுக்கு அனுப்பியது.
• 1968 - மாலைத்தீவுகளில் இரண்டாவது குடியரசு அறிவிக்கப்பட்டது.
• 1975 - ஆசுதிரேலியப் பிரதமர் கஃப் விட்லம் தலைமையிலான அரசை அதன் ஆளுநர் கலைத்தார்.
• 1992 -ஆண்களை மட்டுமே பாதிரியார்களாக ஏற்று வந்த இங்கிலாந்தின் Protestant பிரிவு இன்று முதன் முதலாக ப் பெண்களையும் பாதிரியார்களாக ஏற்றுக் கொள்ள முடிவு செய்தது.
• 2004 - யாசர் அரபாத் இறந்து விட்டதாக ப் பாலசுதீன விடுதலை இயக்கம் அறிவித்தது. மகமூத் அப்பாசு தலைவரானார்.

http://www.koodal.com/