| வரலாற்றில் இன்று | Today in History |
நவம்பர்
10
- 1444 - அங்கேரி, போலந்து ஆகியவற்றின் அரசன் மூன்றாம் விளாடிசுலாசு பல்கேரியாவின் வர்னா என்ற இடத்தில் ஒட்டோமான் பேரரசுடன் இடம்பெற்ற சமரில் தோற்கடிக்கப்பட்டு கொலை செய்யப்பட்டான்.
- 1520 - டென்மார்க் மன்னன் இரண்டாம் கிறிசுடியான் சுவீடனை முற்றுகையிட்டபோது ஃச்டொக்ஃகோம் நகரில் பலரைக் கொன்றான்.
- 1674 - ஆங்கிலேய-டச்சு போர்: வெசுமின்சுடர் உடன்பாட்டின் படி புதிய நெதர்லாந்தை நெதர்லாந்து இங்கிலாந்திடம் ஒப்படைத்தது.
- 1887 - ஃகே(ஹே) சந்தைக் கலவரத்தின் போது மரண தண்டனை விதிக்கப்பட்ட லூயிசு லிங் என்ற தொழிலாளர் தலைவர் இலண்டனில் டைனமைட் வெடிக்கவைத்து த் தற்கொலை செய்து கொண்டார்.
- 1928 - ஃகீரொ ஃகீட்டோ சப்பானின் 124வது மன்னரானார்.
- 1970 - சோவியத்தின் லூனா 17 விண்கப்பல் சந்திரனுக்கு "லூனாகோட்" எனப்படும் தானியங்கி ஊர்தியைக் கொண்டு சென்றது.
- 1971 - கம்போடியாவில் கெமர் ரூச் படைகள் புனோம் பென் நகரையும் விமான நிலையத்தையும் தாக்கி 44 பேரைக் கொன்று பல விமானங்களை அழித்தனர்.
- 1972 - பேர்மிங்ஃகாமில் இருந்து புறப்பட்ட விமானம் கடத்தப்பட்டு அவானாவில் இறக்கப்பட்டது. கடத்தல்காரர்கள் கியூபாவில் கைது செய்யப்பட்டனர்.
- 1993 - தவளை நடவடிக்கை, 1993: யாழ்ப்பாணத்தில் பூநகரி, நாகதேவந்துறை இராணுவக் கடற்படைக் கூட்டுத்தளம் மீது விடுதலைப் புலிகள் வெற்றிகரமான தாக்குதலை ஆரம்பித்தனர்.
- 1999 - பாகிசுதானில் தேசத் துரோகம் மற்றும் சதி செயல்களில் ஈடுபட்டதாக முன்னாள் பிரதமர் நவாசு செரீப்புக்கு எதிராக வழக்குத் தொடரப்பட்டது.
No comments:
Post a Comment