""சின்ன வயசுலயே என் பையன் ரொம்ப ரோஷக்காரனா இருக்கான்.''
""எப்படி?''
""மார்க் குறைவா வாங்கியிருந்தான்னு இனிமே என் முகத்துல முழிக்காதேன்னு திட்டினேன். அதுலேர்ந்து காலையில அவனை எழுப்பினா, "நீ தூரமா போ, நான் எழுந்துக்கிறேன்'னு கறாரா சொல்றானே!''
வி.ரேவதி, தஞ்சாவூர்.
-------------------------------------------------------------------
""நீங்க எழுதுற ஜோக் ஒவ்வொண்ணும் சிந்திக்கிற மாதிரி இருக்கும்.''
""எப்படி?''
""இதுக்கு முன்னாடி இந்த ஜோக்கை எங்கேயோ படிச்ச மாதிரி இருக்குன்னு!''
பி.பாலாஜி கணேஷ், 240, வேளாளர் தெரு, கோவிலாம்பூண்டி, சிதம்பரம் தாலூகா-608 002.
-------------------------------------------------------------------
""எதுக்காக உனக்கு இருநூறு ரூபா கொடுத்தாங்க?''
""நான் பாட்டுப் பாடுனதுக்கு.''
""அப்புறம் எதுக்கு இந்த ஐநூறு ரூபா கொடுத்தாங்க?''
""பாட்டை நிறுத்துனதுக்கு.''
அ.பேச்சியப்பன், ராஜபாளையம்.
-------------------------------------------------------------------
""மாத்திரையை எடுத்துக்கிட்டு சுடுகாட்டுப் பக்கம் ஏன்டா போறே?''
""ஆவி பிடிக்கிற மாத்திரைன்னு சொன்னாங்க, அதான்!''
பி.தர்சினி, 76, ஜெ.வி. கீழத் தெரு, குடந்தை-1.
-------------------------------------------------------------------
""தத்ரூபமா படம் வரைஞ்சும் மன்னரு பரிசு தரலையா ஏன்?''
""அதுவா... போர்க் களத்துல இருந்து மன்னர் ஓடற மாதிரியல்ல படம் வரைஞ்சிருந்தேன்.''
ஜி.அப்துல்பாரி, பழனி.
-------------------------------------------------------------------
""டானிக் சாப்பிடும் போது ஏன் ரூம் கதவை சாத்துற?''
""டாக்டர்தான் அரை மூடி டானிக் சாப்பிடச் சொன்னாரு!''
சி.விஜயா, கிருஷ்ணகிரி.
No comments:
Post a Comment